آسااااسآ ما حاسنا الا شيبانا

[القو~~~>س]

اساسآ ماحاسنا الا شيبانا!!!
الموضوع فيه شوية جرئه بس ما عليه سامحونا هالمره ..
راح ابدأ بهذه القصة القصيره واللي صارت لي قبل فتره وهو موقف في موقف
في أحد الايام ذهبت الى المستشفى وكل العاده من الزحمه ما تلقى موقف الا
بعد ما تاخذ عشر لفات يعني فالرياض لازم تحسب حساب لعدة امور قبل لا
تطلع من البيت ..؟
اولآ: تحسب حساب الزحمه وما شابهها يعني لو فيه حادث لا سمح الله انسى الموضوع
يعني الموعد الله يخلف عليه وروح جدد الموعد وردد ياليل ما اطولك وياليت
تسويها بلحن حزين عشان تعيش اللحظه..
وثانيآ احسب حساب المواقف اذا وصلت واللي صارت تغطي على شوراع الثلاثين والتحليه
من كثر ماندور فيها تبي أحد المراجعين الكرام يطلع وتزبن في مكانه ..
المهم نرجع لقصتنا..
وصلت ذالك الصباح واخذت لفتين واننا في قرارة نفسي اقول ايه هين احد يطلع الحين
وما امداني اكمل الكلمه اليائسه الا وذاك اللي دق الريوس وقفت وفوق راسي علامة تعجب !!!
وارجع وانا اقول احمدك يا رب ..
رجعت ورى عشان يرجع وفجأه جاء ذلك االهلي على قولت القصمان يعني هايلكس {صح يا تذكار}
وفيه شاب
وشايب ووقف قدامي ونزل الشايب وانا اتأمل الموقف ولازالت علامة التعجب فوق راسي !!!
وبدأ الشايب يردد هذه الكلمات ارجع ارجع روح روح وأنا اشاهد الموقف وبعدها تلاشت علامة
التعجب وظهرت علامة استفهام وبدأت ادق بالبوري واقول يمكن ما شافني والحبيب ماعبرني
ولا التفت علي وناظرت فالشاب اللي معه وقلت هذا موقفي قال الشايب موجود وقدمت السياره
للموقف والشايب واقف في النص ونزلت وقلت للشايب هذا موقفي ياعم الله يجزاك بالخير
قال لا هذا موقفنا!!!
قلت تحلف بالله انك ما شفتني وانا واقف
لم يرد ورد الشاب اللي معه وقال الشايب موجود اطلع لوسمحت
ناظرت للشايب ثم للشاب وقلت له آساسآ ما حاسنا الا شيبانا وهي في ذمتك ولن
اسامحك يوم الموقف الاكبر..
وانتهت القصه..
تسأولي ..؟؟؟
لوكنت انت مكاني وحصل لك هذا الموقف ماذا كنت ستفعل؟